قبـل لانتفاهـم أبــي مـنـك تـرمـي عقـالـك..
تـرى لا أنـت وجـه للرجولـه ولا انـت قـدهـا ..
وعينـك هـذي تنزلهـا لاوقـفـت انــا قبـالـك..
ولاتقاطـع فـي كلامـي والـزم الفاظـك حـدهـا..
لاتساهل فـي كلامـي واحفظـه وخلـه فـي بالـك..
أنا مـن قبيلـه ورثـت العـزه مـن أبوهـا لجدهـا ..
مايهزني مجـرد وجـودك كبريائـي مايكسـره امثالـك..
والكرامـه قبـل تعرفـك أنـا رضعتهـا بمهـدهـا ..
غلطان ان كنت تحسبني شـيء تبعـك ومـن حلالـك..
أنا أكبر من طموحك وشـف يـدك لابغيـت تمدهـا ..
اللي مثلك شخص ( خاين ) يستحـي منـك ظلالـك..
اللي مثلك مامشى درب الرجولـه وماوصـل لمجدهـا ..
عزتـي عيـت تنـازل لجـل اعاتبـك علـى فعالـك..
خلنا من "قصة خيانه" وقلـي كرامتـك وش عندهـا؟..
وين الرجوله اللي تقول؟!كيف ترضى يكـون حالـك؟..
وين عقلك طار لـه؟ يـوم تلحـق مرهـا وشهدهـا ..
لو سِألـت عـن المهانـه قلت:تجسـد مـن خلالـك..
يـوم ترمـي بالرجولـه وتركـض وتمسـك يدهـا!! ..
ان كنت تسأل عن شعوري أبشر بجاوب عـن سؤالـك..
تدري! فرحت! لأني عرفت محبتك قبل يطـول بعدهـا ..
أدري اني في يـومٍ قلت:أنـي عشقـت حتـى خيالـك..
وأنك قد كنت بحياتي شمسها وظلها وشوكهـا ووردهـا ..
لكـن دموعـي أنـا علـى كـل لحظاتـي بوصالـك..
يوم تخدعني بحبك وتنقل كلامـك اللـي تقولـه عندهـا
مضـى كـل هالزمـن ومانـي فيـه أصغـر عيالـك..
أنا أداعب هالنجوم واسأل الشمس عني يامى لثمت بخدها ..
واللحين بشوفك وانت تقفـي ساحـب عـز متهالـك..
ولم أعذارك معك يشرفني انـي بكـل بساطـه أصدهـا ..
مستحيل أقبل عذر أنا أعلنـت عـن حياتـي إعتزالـك..
والهـدايـا الـلـي وصلتـنـي عفـواً..أنـا بـردهـا
لحظـه قبـل تقفـي لاتنسـى تنحنـي وتاخـذ عقالـك
واحترف طقوس المذله..اركض ألحقها شفها تمشي لوحدهـا